• A saída terá lugar ás 17 horas na Alameda e realizarase un percorrido asumible tanto para os máis pequenos como para os maiores
• Está organizada conxuntamente pola Pena Ciclista de Santa Marta e o Concello de Ortigueira
• Animan aos asistentes para acudir disfrazados para gozar do paseo
O Concello de Ortigueira, xunto coa Pena Ciclista de Santa Marta, organiza unha nova edición da San Silvestre Ortegana o vindeiro sábado, 31 de decembro.
Terá un percorrido asumible, para que poidan participar tanto maiores como pequenos e ir todos xuntos. Tanto a saída como a chegada será ás 17 horas na Alameda. Non será necesario realizar inscrición previa.
Desde o Concello de Ortigueira e o Club Ciclista Santa Marta animan a todos e todas a acudir á San Silvestre do próximo día 31 disfrazados e disfrazadas, e desta forma despedir o ano dunha forma divertida facendo deporte.
